नवी दिल्ली : ग्रामीण बँकेच्या कर्मचार्‍यांनी 25 नोव्हेंबर रोजी कामगार संघटनांनी जाहीर केलेल्या देशव्यापी संपात सहभागी होण्याची घोषणा देखील केली आहे. यूनायटेड फोरम ऑफ आरआरबी युनियन्स या देशभरातील ग्रामीण बँकांमध्ये कार्यरत अधिकारी व कर्मचार्‍यांचे प्रतिनिधीत्व करणारे केंद्रीय संघटनांचे एक सामान्य व्यासपीठ यांनी ऑनलाईन बैठकीनंतर ही घोषणा केली. या संपाच्या मुख्य मागण्यांमध्ये त्यांच्या मागण्यांचा समावेश करुन व्यासपीठाच्या संयोजकांनी ‘सेक्रेटरी बँकिंग विभाग नवी दिल्ली’ यांना संप पुकारण्याची नोटीस पाठविली आहे. ग्रामीण बँकाच्या सहभागाने या संपाचा परिणाम ग्रामीण भागात दिसून येईल.
हा संप यशस्वी करण्यासाठी ग्रामीण बँक संघटनांच्या सामान्य व्यासपीठाने देशभरातील ग्रामीण बँकांमध्ये कार्यरत सर्व अधिकारी व कर्मचारी संघटनांना पत्र पाठविले आहे. सर्व अधिकारी व कर्मचार्‍यांना संपावर जाण्यास प्रवृत्त केले पाहिजे तसेच जिल्हा पातळीवरील कामगार संघटनांसोबत आयोजित निषेध निदर्शनांमध्येही संपूर्णपणे सहभागी व्हावे, असे यात नमूद केले आहे.
केंद्र सरकारच्या कथित लोकविरोधी, शेतकरीविरोधी आणि देशविरोधी धोरणांविरोधात पुकारण्यात आलेल्या देशव्यापी संपात बँकिंग उद्योग देखील सहभागी होणार आहे. देशभरातील कोट्यावधी कामगार आणि कर्मचार्‍यांचे प्रतिनिधित्व करणार्‍या पहिल्या दहा कामगार संघटनांचे एक समान व्यासपीठ आहे. सध्या, सर्व राज्यांमध्ये एक किंवा अधिक ग्रामीण बँका आहेत, ज्यांची एकूण संख्या 43 आहे. सुमारे 21 हजार शाखा, एक लाख अधिकारी व सर्व प्रकारच्या कर्मचारी कार्यरत आहेत. येथे रोज आणि अर्धवेळ कर्मचारी देखील मोठ्या संख्येने आहेत.