लव रंजनच्या चित्रपटात रणबीर कपूर श्रद्धा कपूरसोबत रोमान्स करताना दिसणार

मुंबई : बॉलिवूडचा प्रसिद्ध दिग्दर्शक लव रंजन (Director Love Ranjan)नेहमीच त्याच्या रोमँटिक विनोदी चित्रपटांसाठी ओळखला जातो. त्याने ‘प्यार का पंचनामा'(Pyar Ka Panchnama), ‘सोनू के टीटू की स्वीटी’ सारख्या रोमँटिक कॉमेडीज दिल्या आहेत. लव रंजनच्या रोम कॉम प्रेक्षक म्हणजेच रोमँटिक कॉमेडीची आतुरतेने वाट पाहत असतात.  प्रत्येक वेळी जेव्हा तो एका वेगळ्या थीमवर एखादा चित्रपट घेऊन येतो तेव्हा तीच गोष्ट प्रेक्षकांना आवडते. आता त्याच्या चाहत्यांसाठी एक मोठी बातमी आहे. लव रंजन पुन्हा एकदा ब्लॉकबस्टर फिल्म घेऊन येत आहे. या चित्रपटात बॉलिवूडच्या दोन हिट स्टार्सची जोडी पाहायला मिळणार आहे.Ranbir Kapoor Shraddha Kapoor

रणबीर कपूर आणि श्रद्धा कपूर पहिल्यांदा एकत्र दिसणार

दिग्दर्शक लव रंजनचा पुढच्या चित्रपटात सुपरस्टार रणबीर कपूर (Ranbir Kapoor)आणि श्रद्धा कपूर (Shraddha Kapoor)पहिल्यांदा एकत्र दिसणार आहेत. आता या चित्रपटाची रिलीज डेटही समोर आली आहे. हा बहुप्रतिक्षित चित्रपट पुढील वर्षी 18 मार्च 2022 रोजी होळीच्या निमित्ताने प्रदर्शित होईल. या चित्रपटाविषयी लव फिल्म्सने आपल्या सोशल मीडिया हँडलवर एक पोस्ट शेअर केली आहे. या पोस्टमध्ये बोनी कपूर (Bonnie Kapoor)आणि डिंपल कपाडिया(Dimple Kapadia) यांच्यासह रणबीर आणि श्रद्धा कपूर(Shraddha Kapoor) देखील मुख्य भूमिकेत असल्याची माहिती देण्यात आली आहे. मात्र अद्याप चित्रपटाचे नाव समोर आले नाही.

रोमँटिक कॉमेडी(Romantic comedy) चित्रपटाचे शूटिंग

या शीर्षक नसलेल्या रोमँटिक कॉमेडी चित्रपटाचे शूटिंग या जानेवारीपासून दिल्लीत सुरू झाले आहे. चित्रपटामधील स्टारकास्टचे नाव समोर येताच चाहते हे नवीन रोमँटिक जोडप्याला पाहण्यास उत्सुक आहेत. मात्र, लव रंजन यांच्या चित्रपटाची कहाणी काय असेल याबाबत आतापर्यंत कोणतीही बातमी समोर आलेली नाही. पण चाहते या चित्रपटामुळे खूप आशावादी आहेत. पहिल्यांदा रणबीर कपूर आणि श्रद्धा कपूर एकत्र काम करत आहेत. चित्रपटाची निर्मिती लव रंजन आणि अंकुर गर्ग यांनी केली असून गुलशन कुमार(Gulshan Kumar) आणि भूषण कुमार(Bhushan Kumar) यांनी सादर केले आहे.