मुंबई : प्रभास आणि पूजा हेगडे(Prabhas and Pooja Hegde) स्टारर चित्रपट ‘राधे श्याम’ 2022 मध्ये प्रदर्शित होणाऱ्या बहुप्रतिक्षित चित्रपटांच्या गणनेत समाविष्ट आहे. प्रभास आणि पूजा हेगडे स्टारर चित्रपटाचे अनेक पोस्टर्स आणि गाणी रिलीज झाली आहेत. ज्याला पाहण्यासाठी चाहतेही या चित्रपटाची आतुरतेने वाट पाहत आहेत. आता नुकतेच या चित्रपटाचे एक नवीन गाणे रिलीज होणार आहे. ‘आशिकी आ गई’ या गाण्यात पूजा आणि प्रभासची रोमँटिक शैली पाहायला मिळणार आहे. नुकताच या गाण्याचा प्रोमो रिलीज करण्यात आला आहे.
वास्तविक ‘राधे श्याम’च्या टीमने चित्रपटातील आगामी हिंदी गाणे ‘आशिकी आ गई’चा प्रोमो शेअर केला आहे. प्रोमोमध्ये प्रभास आणि पूजा हेगडे निळ्या रंगाच्या पोशाखात समुद्रकिनारी फिरताना दिसत आहेत. प्रोमो पाहता, हे एक ड्रीम सीक्वेन्स असेल हे कळते. पूजा आणि प्रभासच्या या गाण्याचा हा रोमँटिक प्रोमो पाहून त्यांची केमिस्ट्री खूपच सुंदर दिसत आहे.
या गाण्याला अरिजित सिंगने आवाज दिला असून संगीत मिथुनने दिले आहे. चित्रपटाचा प्रोमो पाहिल्यानंतर चाहते आता या गाण्याच्या रिलीजची आतुरतेने वाट पाहत आहेत. ‘राधे श्याम’ या चित्रपटातून प्रभास आणि पूजा हेगडे पहिल्यांदाच ऑनस्क्रीन दिसणार आहेत. या चित्रपटात प्रभास याआधी कधीही न पाहिलेली वेगळी भूमिका साकारत आहे. हा चित्रपट राधा कृष्ण कुमार यांनी दिग्दर्शित केला आहे. भूषण कुमार, वामसी, प्रमोद आणि प्रसिधा हे या चित्रपटाचे निर्माते आहेत. हा चित्रपट 14 जानेवारी 2022 रोजी रिलीज होणार आहे.