नवी दिल्ली : करण जोहरचा चित्रपट ‘दोस्ताना २’ गेल्या काही काळापासून चर्चेत आहे. काही दिवसांपूर्वी कार्तिक आर्यनला या चित्रपटातून बाहेर काढण्यात आले होते. निर्मात्यांकडून कार्तिकला बाहेर काढण्यामागील कोणतेही ठोस विधान समोर आलेले नाही, आणि अभिनेत्याने देखील अद्याप याबाबत कोणतेही भाष्य केलेले नाही. परंतु कार्तिकला चित्रपटातून बाहेर केल्यानंतर करण जोहर नवीन चेहऱ्याच्या शोधात होता. आता अशी चर्चा केली जात आहे की, करणला चित्रपटासाठी नवीन चेहरा मिळाला आहे आणि ज्या अभिनेत्याचे नाव समोर येत आहे त्याचे नाव ऐकून तुम्हाला आनंद होईल.
मिळालेल्या वृत्तानुसार, अक्षय कुमारने ‘दोस्ताना२’ चित्रपटासाठी होकार दिला आहे आणि २०२२ मध्ये चित्रपटाचे चित्रिकरण सुरू केले जाईल. तथापि, निर्मात्यांकडून यासंदर्भात कोणतीही अधिकृत घोषणा करण्यात आलेली नाही, परंतु सुत्रांनी या गोष्टीची पुष्टी केली आहे. सुत्रांनी सांगितले आहे की, ‘अक्षयने या चित्रपटासाठी होकार दिला आहे आणि पुढील वर्षी चित्रपटाचे चित्रिकरण करण्याची योजना बनविली जात आहे. ’ कारण सध्या अक्षय कुमार त्याच्या इतर प्रोजेक्ट्स आणि शुटींगमध्ये व्यस्त आहे, त्यामुळे या चित्रपटाची शुटींग पुढील वर्षी सुरू केली जाईल.
सांगायचे झाले तर, अक्षय कुमार आणि करण जोहर यांच्यात खूप चांगली मैत्री आहे. यापूर्वी अक्षयने केसरी आणि गुड न्यूज या चित्रपटांमध्ये धर्मा प्रोडक्शनसोबत काम केले आहे आणि दोन्हीही चित्रपट पडद्यावर सुपरहिट झाले आहेत.
Akshay Kumar will replace Karthik Aryan in Dostana 2, know when the shooting of the film will start.
डिजिटल पदार्पणासाठी अजय देवगन तयार –
डिजिटल पदार्पणासाठी अजय देवगन तयार, इंटेन्स पोलिसाच्या भूमिकेतून प्रेक्षकांच्या भेटीला…..
रकुल प्रीत सिंगने टॉलिवूडमध्ये काम मिळत नसल्याच्या वृत्ताचे केले खंडन.. –
टॉलिवूडमध्ये काम मिळत नसल्याच्या वृत्तावरून रकुल प्रीत सिंगने व्यक्त केला संताप!