मुंबई : बॉलिवूड अभिनेत्री आलिया भट्ट गेल्या काही दिवसांपासून तिच्या आगामी चित्रपट ‘डार्लिंग्स’च्या शूटिंगमध्ये व्यस्त होती. पण आता या चित्रपटाचे शूटिंग पूर्ण झाले आहे. चित्रपटाच्या शूटिंगच्या शेवटी, चित्रपटाच्या संपूर्ण टीमने केक कापून शूटिंग यशस्वीपणे पार पडल्याचं सेलिब्रेशन केलं… ज्यांचे फोटो सोशल मीडियावरही शेअर केले गेले आहेत. त्याच वेळी, चित्रपटाच्या रॅप-अपनंतर, आलिया भट्टने चित्रपटाच्या शूटिंगशी संबंधित मौल्यवान क्षणांचा एक व्हिडिओ शेअर केला आहे.
रेड चिलीज एंटरटेनमेंटच्या अधिकृत इन्स्टाग्राम अकाऊंटद्वारे चित्रपटाची रॅप-अप चित्रे शेअर केली गेली आहेत. ज्यात संपूर्ण कास्ट आणि क्रू मेंबर्स एकत्र केक कापताना दिसत आहेत. या चित्रांमध्ये आलिया भट्ट, विजय वर्मा संपूर्ण क्रू मेंबर्ससोबत केक कापताना मजा करत आहेत. प्रत्येकजण चित्रपटाच्या रॅपअपमध्ये खूप आनंदी होता.
त्याचबरोबर आलिया भट्टने तिच्या अधिकृत इन्स्टाग्राम अकाऊंटद्वारे एक व्हिडिओ शेअर केला आहे. या व्हिडिओमध्ये, शूटिंगच्या वेळचे सर्व फोटो आणि व्हिडिओ संकलित केले गेले आहेत. हा व्हिडीओ शेअर करताना आलिया भट्टने कॅप्शनमध्ये लिहिले, ‘डार्लिंग्ज, हे एक रॅप-अप आहे !! तुम्हाला चित्रपट आवडेल या आशेने आम्ही चित्रपट बनवण्यासाठी आमचे सर्वोत्तम प्रयत्न केले आहेत. चित्रपटात भेटू. ‘
‘डार्लिंग्स’ चित्रपटाची निर्मिती रेड चिलीज एंटरटेनमेंट आणि इटरनल सनशाईन प्रॉडक्शनच्या बॅनरखाली करण्यात आली आहे. ज्याचे दिग्दर्शन जसमीत के रीन यांनी केले आहे. या चित्रपटात आलिया भट्ट, शेफाली शाह, रोशन मॅथ्यू आणि विजय वर्मा मुख्य भूमिकेत आहेत. शेफाली शाह आणि रोशन मॅथ्यू यांनी गेल्या महिन्यातच चित्रपटाचे शूटिंग पूर्ण केले होते. त्याचबरोबर चित्रपटाचे शूटिंगही पूर्णपणे संपले आहे. चित्रपटाची कथा परवेज शेख आणि जसमीत यांनी लिहिली आहे. दुसरीकडे, गौरी खान, आलिया भट्ट आणि गौरव वर्मा या चित्रपटाचे निर्माते आहेत.