मुंबई : बॉलिवूडमध्ये आपल्या अभिनयाने सर्वांची मने जिंकणारा रणबीर कपूर (Ranbir Kapoor)आता विवाहबंधनात अडकणार आहे. या जोडप्याकडून आणि त्यांच्या कुटुंबाकडून त्यांच्या लग्नाबाबत कोणतीही अधिकृत पुष्टी झालेली नसली तरी, त्यांच्या घरात सुरू असलेली तयारी या अफवा खऱ्या असल्याचे सूचित करते. रणबीर कपूर आणि आलिया भट्ट यांच्या लग्नाची अटकळ आता सत्याकडे वळत आहे.
सर्व काही ठीक झाले तर आरके स्टुडिओमध्ये(RK Studios) फटाक्यांची आतषबाजी करून रणबीर आणि आलियाचे लग्न पाहायला मिळणार आहे. कपूर घराण्याचा वारसा म्हणून ओळखला जाणारा आरके स्टुडिओ(RK Studios) दिव्यांनी सजलेला आहे. चकाचक रोषणाईने सजलेल्या या स्टुडिओचे फोटो सोशल मीडियावर व्हायरल होत आहेत.
11 एप्रिल 2022 रोजी, एका पापाराझीने त्यांच्या इंस्टाग्राम हँडलवर कपूर कुटुंबाच्या ‘कृष्णा राज’ बंगल्याचा व्हिडिओ शेअर केला. व्हिडिओमध्ये कामगार बंगला सुंदर रोषणाईने सजवताना दिसत आहेत. त्यांच्या लग्नाला अद्याप अधिकृत दुजोरा मिळालेला नसला तरी अचानक बंगल्यातील ही सजावट त्यांच्या लग्नाची बातमी खरी ठरत असल्याचे सांगत आहे.
‘बॉलीवूड लाईफ’च्या रिपोर्टनुसार, रणबीर कपूरची आई आणि अभिनेत्री नीतू कपूरने(Neetu Kapoor) लग्नासाठी लखनौ आणि दिल्लीतील शेफना आमंत्रित केले आहे. वधू-वरांव्यतिरिक्त, लग्नाचे आणखी एक महत्त्वाचे वैशिष्ट्य म्हणजे चवदार मेनू. सूत्राने सांगितले आहे की, मेनूमध्ये कबाब, बिर्याणी आणि लखनौमधील अप्रतिम पदार्थांसह दिल्ली-आधारित चाट काउंटर असेल. एवढेच नाही! सूत्राने पुढे दावा केला की, आलिया भट्ट(Alia Bhatt) शाकाहारी असल्याने 25 पेक्षा जास्त काउंटरमध्ये शाकाहारी पदार्थांचा समावेश असेल.
Terrence Lewis Birthday: टेरेन्स लुईस, फिटनेस प्रशिक्षक ते नृत्यदिग्दर्शक !
नवाजुद्दीनने ‘लैला’ची भूमिका करण्यासाठी Heropanti 2 चे दिग्दर्शकहोते उत्सुक