मुंबई, दि.11 जून – करीना कपूर खान आणि अभिनेता सैफ अली खान हे चित्रपट जगातील सर्वात प्रसिद्ध जोडप्यांपैकी एक आहेत. या दोघांचे 2012 मध्ये लग्न झाले होते तसेच करीना आणि सैफही बर्‍याच चित्रपटांमध्ये एकत्र दिसले आहेत. तसंच, करिना कपूरने एका मुलाखतीत सांगितले होते की, टशन चित्रपटाच्या चित्रिकरणा दरम्यान त्यांच्यात जवळीक वाढली. याशिवाय करिना कपूरने कॉफी विथ करण मध्ये सांगितले होते की, सैफ अली खानशी लग्न करण्यापूर्वी बर्‍याच लोकांनी तिला असे करण्यास नकार दिला होता तसेच काही लोकांनी तिला इशारा दिला होता कि त्याचे लग्न झालेले आहे आणि सैफ दोन मुलांचे वडीलही आहेत.
याबद्दल करिना कपूर म्हणाली, “मला आनंद आहे की लोक त्यांच्या प्रेमाबद्दल अधिक बोलू लागले आहेत. जेव्हा मला सैफ अली खानशी लग्न करायचे होते तेव्हा प्रत्येकजण असेच वागत होते की त्याला दोन मुले आहेत आणि तो घटस्फोटित आहे. बर्‍याच लोकांनी असा सवालही केला होता की तुम्हाला सैफ बरोबर लग्न करायचे आहे याची आपल्याला खात्री आहे का? तो असे म्हणायचा की तुझी कारकीर्द संपेल. या सर्व गोष्टींनी मला विचार करायला लावले आणि मी प्रेमात पडले असे करीनाने सांगितले. प्रेमात पडणे हा गुन्हा आहे? लग्न करणे हा एक मोठा गुन्हा आहे? तर चला करून पाहूया आणि बघुया काय होते ते.
करिना कपूरच्या या गोष्टी ऐकल्यानंतर चित्रपट निर्माते करण जोहरनेही तिचे कौतुक केले कारण करीनाने तिचे जीवन आणि करिअर चांगल्या प्रकारे हाताळले. करीना कपूरपूर्वी सैफ अली खानने बॉलिवूड अभिनेत्री अमृता सिंहशी लग्न केले होते. त्यांना सारा अली खान आणि इब्राहिम अली खान अशी दोन मुलंही आहेत. तसेच, 2004 मध्ये सैफ आणि अमृता सिंह यांचे घटस्फोट झाले. अभिनेत्रीच्या वर्क फ्रंटबद्दल बोलताना ती लवकरच आमिर खानसोबत लालसिंग चड्ढा या चित्रपटात महत्वाची भूमिका साकारताना दिसणार आहे.