बदलापूर : बदलापुर (Badlapur)अत्याचार प्रकरणात पूर्वेतील खरवई गावात राहणारा आरोपी अक्षय शिंदे(Akshay Shinde) याचे वय केवळ २४ वर्षे आहे. त्याचे तीन वेळा लग्न झाले होते. मात्र त्याच्या तीनही पत्नी त्याला सोडून गेल्या होत्या. तो मानसिक रुग्ण असल्याची माहिती देखील समोर आली होती. अक्षयवर दोन मुलींवर लैंगिक छळ(Sexual harassment) केल्याचा आरोप होता.
बदलापुर घटनेतील आरोपी अक्षय शिंदे यांनी आत्महत्येचा प्रयत्न केला आहे. आरोपीने पोलिसांची बंदूक घेऊन आत्महत्या करण्याचा प्रयत्न केला. या घटनेत एक पोलीस अधिकारी ही जखमी झाले आहे. .
पोलिसांकडून अजून या बाबतीत माहिती देण्यात आली की शिंदे यांनी गोळ्या झाडल्यानंतर पोलीसांनी आत्मसंरक्षणासाठी केलेल्या गोळीबारात आरोपी गंभीर जखमी झाल्याचे सांगण्यात येत आहे. त्याच्यावर शाळेतील अल्पवयीन मुलींचं लैंगिक शोषण केल्याचा आरोप होता. सध्या पोलिसांनी त्याला रुग्णालयात दाखल केले आहे. तळोजा कारागृहातून पोलीस त्याला बदलापूरला घेऊन येत असताना ही घटना घडल्याचं बोललं जातं आहे.
अक्षय शिंदे याने पोलिसांवर देखील गोळीबार केल्याची माहिती आहे. तळोजा कारागृहातून साडेपाच वाजता त्याला घेऊन बदलापूरला जात असताना ही घटना घडली आहे. पोलिसांची बंदूक हिसकावून घेत त्याने पोलिसांवर गोळी झाडली. त्यानंतर त्याने स्वत:वर देखील गोळी झाडली. अक्षय शिंदे याने तीन राऊंड फायर केले आहेत. या घटनेत आरोपी अक्षय शिंदेचा मुत्यू झाल्याची माहिती सुत्रांनी दिली आहे. पण याबाबत अजून कोणतीही अधिकृत माहिती पोलिसांनी दिलेली नाही.
‘बदलापूरच्या घटनेतील आरोपीच्या आईने त्याला या प्रकरणात गोवण्याचा प्रयत्न केल्याचा आरोप केला होता. आरोपीने गोळी झाडली ही इतकी साधी घटना नाही. हैदराबादमध्ये आरोपींचं एन्काऊंटर करण्यात आलं होतं. या प्रकरणाची सीबीआय चौकशी व्हावी.’ अशी मागणी सुषमा अंधारे यांनी केली आहे.