ज्याप्रमाणे आपण आपल्या चेहऱ्याच्या स्वच्छतेची विशेष काळजी घेतो त्याचप्रमाणे पाय स्वच्छ करण्याच्या बाबतीतही काळजी घेतली पाहिजे. स्टायलिश फुटविअर परिधान करताना पाय घाणेरडे झाल्यास इम्प्रेशन खराब होतो. बऱ्याच महिला अधूनमधून पायांच्या सौंदर्यासाठी पेडीक्योर(Pedicure) करतात.
परंतु काही स्त्रियांना हे सर्व उगीचचं खर्च असल्याचं वाटतं.. जर आपण देखील त्या महिलांमध्ये असाल, ज्यांना पेडीक्योर (Pedicure)वगैरे आवडत नाहीत, तर आपण सहजपणे घरी एक फुटमास्क तयार करू शकता आणि पाय मऊ आणि चमकदार बनविण्यासाठी ते लागू करू शकता.
केळीचा लेप(Banana mask)
कोरडी आणि निर्जीव त्वचा काढून टाकण्यासाठी आपण केळीच्या फूटमास्कचा(Foot Mask) वापर करू शकता. हे करण्यासाठी, एक केळ कापून ती चांगली मॅश करा. यानंतर अर्धा कप दही मॅश करून घ्या आणि थोडं कोमट करा आणि त्यात मॅश केलेले केळ घाला. नंतर अर्धा चमचे लव्हेंडर तेल आणि 2 ते 3 थेंब चहाच्या झाडाचे तेल (टी-ट्री) मिक्स करावे. टब किंवा बादलीत कोमट पाणी घ्या. त्यात लिंबू पिळून घ्या आणि त्यात पाय टाकून थोडावेळ बसा. टॉवेलने चांगले पुसून टाका. मग तयार मास्क पायावर लावा. त्यानंतर कोमट पाण्याने पाय स्वच्छ धुवून कोल्ड क्रीम लावा…
मुलतानी मातीचा लेप
मुलतानी मातीचा तयार केलेला फूटमास्क देखील खूप उपयोगात आहे. ते तयार करण्यासाठी दोन चमचे मुलतानी माती एक चमचे मध आणि एक चमचे लिंबाचा रस मिसळून पेस्ट तयार करा. आवश्यक असल्यास आपण थोडेसे पाणी घालू शकता. कोमट केलेल्या लिंबू पाण्यात पाय घाला. मग पुसून हा पॅक लावा. कोरडे झाल्यानंतर पाय धुवून मॉइश्चरायझर (Moisturizer)लावा.
ओट्स फूट मास्क(Oats Foot Mask)
ओट्सचा पॅक देखील खूप प्रभावी मानला जातो. ते तयार करण्यासाठी दोन चमचे मध आणि एक चमचे लिंबाचा रस ओट्समध्ये घालून चांगले मिसळा. ही पेस्ट आपल्या पायांवर लावा आणि थोडा वेळ मालिश करा. यानंतर, थोडावेळ पाय तसेच सोडा.. सुमारे 15 ते 20 मिनिटांनंतर कोमट पाण्याने पाय धुवा. हे पायांची मृत त्वचा काढून टाकेल आणि पाय चमकदार दिसतील.