मुंबई : आजकाल एक व्हिडिओ सोशल मीडियावर मोठ्या प्रमाणात व्हायरल होत आहे, या व्हिडिओमध्ये सहदेव (Sahadev Dirdo) नावाचा मुलगा, हा मुलगा या व्हिडिओमध्ये ‘बचपन का प्यार’ गीत गाताना दिसत आहे. तुम्ही या मुलाचा व्हिडिओ देखील पाहिला असेल. अशा स्थितीत आता देशातील प्रसिद्ध बॉलिवूड रॅपर (Bollywood Rapper)बादशाहनेही (Badshah) सहदेवशी बोलून एक व्हिडीओ शूट करण्याची चर्चा केली. त्यानंतर आता कळले आहे की हे गाणे 11 ऑगस्ट रोजी रिलीज होणार आहे. बादशहाने स्वतः सोशल मीडियावर एक पोस्ट टाकून या गाण्याविषयीची माहिती आपल्या चाहत्यांसोबत शेअर केली.
बादशाहने(Badshah) एक पोस्टरही रिलीज केले आहे. या पोस्टरमध्ये, आपण आस्था गिल आणि रॅपर रिकोसह सहदेव दिर्डोला देखील पाहू शकता. आजकाल सहदेव खूप प्रसिद्ध झाला आहे, जिथे या गाण्याव्यतिरिक्त तो इंडियन आयडॉल 12 (Indian Idol 12)मध्ये देखील दिसणार आहे. सहदेव शोमध्ये “बचपन का प्यार” हे गाणे देखील गाणार आहे.. सहदेव हा नक्षल प्रभावित क्षेत्र पेंडलनारचा रहिवासी आहे, त्याचा व्हिडिओ प्रचंड व्हायरल झाला आहे.
Bhool nahi jaana re pic.twitter.com/SGxmUjZ6Pb
— BADSHAH (@Its_Badshah) August 6, 2021
सहदेवला आजकाल सोशल मीडियावर खूप प्रेम मिळत आहे. जिथे प्रत्येकजण त्याच्या गाण्याची रील बनवत आहे आणि सामायिक करत आहे. सहदेवचे वडील शेतकरी आहेत, त्यांच्या घरी मोबाईल, टीव्ही, काहीही नाही. दुसऱ्याच्या मोबाईलवरून गाणे ऐकल्यानंतर त्याने हे गाणे आपल्या शाळेत गायले. जी आज त्याच्यासाठी मोठी भेटस्वरुपात परत आली आहे. आयुष्य बदलायला वेळ लागत नाही, आयुष्य जगण्याची गरज आहे. अलीकडेच, आपल्या मुलाखतीदरम्यान, सहदेवने सांगितले होते की त्याला मोठे होऊन गायक बनण्याची इच्छा आहे.
बॉलिवूड रॅपरकडून कौतुक होत असलेल्या सहदेवसोबत व्हिडिओ कॉलवर बोललो. तेव्हापासून त्याची सतत स्तुती होत आहे. प्रत्येकजण बादशहाला मूलाला संधी दिल्याबद्दल अभिनंदन करत आहे सहदेव पुढे काय करून प्रेक्षकांना आश्चर्यचकित करतो हे पाहावे लागेल.