कोल्हापूर (जिमाका) : माजी मंत्री तथा भारतीय जनता पक्षाचे प्रदेशाध्यक्ष आमदार चंद्रकांत पाटील(Chandrakant Patil) यांच्या मातोश्रींचे काल निधन झाल्याने मुख्यमंत्री एकनाथ शिंदे(Eknath Shinde) व उपमुख्यमंत्री देवेंद्र फडणवीस (Devendra Fadnavis)यांनी आमदार पाटील यांच्या संभाजीनगर येथील निवासस्थानी भेट देवून त्यांचे व कुटुंबियांचे सांत्वन केले.
यावेळी राज्य नियोजन मंडळाचे कार्यकारी अध्यक्ष राजेश क्षीरसागर, खासदार संजय मंडलिक, आमदार प्रकाश आवाडे, जिल्हाधिकारी राहुल रेखावार, पोलीस अधीक्षक शैलेश बलकवडे, माजी आमदार सर्वश्री सुरेश हाळवणकर, अमल महाडिक, चंद्रदीप नरके, भगवानराव साळुंखे यांच्यासह मान्यवर पदाधिकारी उपस्थित होते. यावेळी श्री. पाटील यांनी आईच्या आठवणींना उजाळा दिला.