पुणे : उद्योजक राहुल बजाज यांचा पुण्यातील वैकुंठ स्मशानभूमीत विद्युतदाहिनीत अंत्यसंस्कार करण्यात आला.. यावेळी राज्याचे गृहमंत्री दिलीप वळसे, खासदार सुप्रिया सुळे, योग गुरु बाबा रामदेव उद्योजक बाबा कल्याणी पुण्याचे महापौर मुरलीधर मोहोळ याशिवाय पुण्यातील विविध राजकीय पक्षांचे नेते आणि बजाज कुटुंबाचे मित्र परिवारातील लोक राहुल बजाज यांच्या अखेरचा निरोप घेण्यासाठी उपस्थित होते…
दरम्यान आज सकाळी पर्यावरण मंत्री आदित्य ठाकरे यांनी राहुल बजाज यांच्या घरी त्यांचे अंत्यदर्शन घेतले राष्ट्रवादी काँग्रेस पक्षाचे अध्यक्ष शरद पवार यांनी सुद्धा सकाळी राहुल बजाज यांचे अंत्यदर्शन घेतले… राहुल बजाज यांना शासकीय इतमामात मानवंदना देण्यात आली..
यावेळी योगगुरु बाबा रामदेव यांनी माध्यमांशी संवाद साधला आणि आपली श्रद्धांजली वाहिली राष्ट्राचा सर्वप्रथम विचार करणारे परखड व्यक्तिमत्त्व आपल्यातून निघून गेल्याची भावना बाबा रामदेव यांनी व्यक्त केली