मुंबई : भारतात अनेक तरंगती हॉटेल्स आहेत ज्यांचे सौंदर्य आणि लक्झरी सुविधा पर्यटकांसाठी आकर्षणाचे केंद्र आहेत. ही हॉटेल्स एकतर समुद्रकिनारी किंवा अशा ठिकाणी बांधलेली आहेत जिथे पाणी आहे. त्यामुळे या हॉटेल्सचे सौंदर्यही आणखीनच वाढते आणि येथे येणाऱ्या पर्यटकांसाठी हा एक उत्तम अनुभव ठरतो. हे तरंगते हॉटेल पर्यटकांना आलिशान सुविधा देतात आणि त्यांना आवश्यक असलेल्या सर्व गोष्टींची काळजी घेतात. अशाच काही आलिशान तरंगत्या हॉटेल्सबद्दल जाणून घेऊया.
ले रॉय फ्लोटिंग हट्स आणि इको रूम्स, टिहरी, उत्तराखंड(Le Roy Floating Huts and Eco Rooms, Tehri, Uttarakhand)
हे सुंदर आणि भव्य तरंगते हॉटेल टिहरी, उत्तराखंड येथे आहे. हे हॉटेल टिहरी(Hotel Tehri) तलावाच्या मधोमध बनवलेले आहे जिथे पर्यटकांना सर्व आधुनिक सुविधा मिळतात. या हॉटेलमध्ये तुम्हाला टेलिव्हिजनपासून एअर कंडिशनिंगपर्यंत जगातील सर्व आलिशान आणि लक्झरी सुविधा मिळतील.
या हॉटेलमध्ये तलावाच्या काठावर 20 तरंगत्या झोपड्या आहेत, ज्यांचे सौंदर्य आणि भव्यता पर्यटकांची मने जिंकते. तुम्ही टिहरी किंवा उत्तराखंडला जात असाल तर या तरंगत्या हॉटेलमध्ये नक्की मुक्काम करा.
मुमताज पॅलेस हाऊसबोट, श्रीनगर(Mumtaz Palace Houseboat, Srinagar)
मुमताज पॅलेस हाऊसबोट श्रीनगर, जम्मू आणि काश्मीर येथे आहे. हे तरंगते हॉटेल अतिशय सुंदर असून पर्यटकांसाठी हा एक चांगला पर्याय आहे. मुमताज पॅलेस हाऊसबोट हॉटेल हे प्रासादिक आहे आणि तुम्हाला येथे सर्व लक्झरी सुविधा मिळतील. या हॉटेलसाठी तुम्ही ऑनलाइन बुकिंग करू शकता.
हॉटेलमध्ये काश्मीरची संस्कृती आणि परंपरा अतिशय चांगल्या पद्धतीने प्रदर्शित करण्यात आल्या आहेत. येथे तुम्हाला इंटरनेट सुविधा देखील मिळेल. हे हॉटेल श्रीनगर रेल्वे स्थानकापासून १३ किमी अंतरावर आहे. एवढेच नाही तर या हॉटेलपासून श्रीनगरचे आंतरराष्ट्रीय विमानतळ १५ किलोमीटर अंतरावर आहे.
द फ्लोटेल, कोलकाता(The Floatel, Kolkata)
द फ्लोटेल (The Floatel)हॉटेल कोलकाता येथील प्रसिद्ध हुगळी नदीच्या काठावर वसलेले आहे. येथून तुम्ही प्रसिद्ध हावडा ब्रिजच्या दृश्यांचाही आनंद घेऊ शकता. तुम्ही या फ्लोटिंग हॉटेलमध्ये राहू शकता आणि येथील आलिशान सुविधांचा आनंद घेऊ शकता.
ताज लेक पॅलेस, उदयपूर(Taj Lake Palace, Udaipur)
ताज लेक पॅलेस हे जगातील सर्वोत्तम फ्लोटिंग हॉटेल्सपैकी एक आहे. जर तुम्ही उदयपूरच्या सहलीला जात असाल तर तुम्ही इथे राहू शकता. हे हॉटेल पिचोला तलावाच्या काठावर आहे. इतकेच नाही तर 1983 साली आलेल्या ऑक्टोपसी या हॉलिवूड चित्रपटाचे चित्रीकरणही याच हॉटेलमध्ये झाले होते. तुम्ही या हॉटेलमध्ये ऑनलाइन रूम बुक करू शकता आणि त्याबद्दल तपशीलवार माहिती मिळवू शकता.
पुद्दुचेरीमध्ये 4 दिवसीय बीच फेस्टिव्हल सुरू, जाणून घ्या कधीपासून आणि काय आहे हा फेस्टिव्हल?
52 हजार वर्षांपूर्वी उल्का पडून तयार झाला ‘हा’ सुंदर तलाव, आता दूरदूरवरून येतात पर्यटक
Chaitra Navratri 2022: या नवरात्रीत देवीच्या या 5 मंदिरांना भेट द्या, भक्तांची प्रचंड गर्दी