मुंबई : आंतरराष्ट्रीय महिला दिन 2022(International Women’s Day 2022) हा 8 मार्च रोजी जगभरात साजरा केला जातो आणि या दरम्यान आर्थिक, राजकीय, सामाजिक यासह विविध क्षेत्रात महिलांचा सहभाग वाढवण्यासाठी आणि त्यांना अधिकारांची जाणीव करून देण्यासाठी आंतरराष्ट्रीय महिला दिन साजरा केला जातो. अशा स्थितीत गेल्या काही वर्षांत महिलांचे भरभरून कौतुक होत असून त्यांच्या कामाला एका वेगळ्या उंचीवर नेले जात आहे. अशा परिस्थितीत बॉलीवूडनेही असे अनेक चित्रपट बनवले आहेत जे स्त्रीप्रधान आहेत.
महिलांवर आधारित असे अनेक चित्रपट बनवले गेले आहेत, ज्यात समाजात पुरुषाचे योगदान जेवढे आहे तेवढेच स्त्रीचेही योगदान दाखवण्यात आले आहे. अशा परिस्थितीत, आंतरराष्ट्रीय महिला दिनाच्या आगमनापूर्वी मी तुम्हाला अशाच 10 महिला-केंद्रित बॉलिवूड चित्रपटांबद्दल सांगणार आहे ज्यामध्ये महिलांच्या भक्कम भूमिका दाखवल्या गेल्या आहेत. समाजाची महिलांबद्दलची विचारसरणी आणि दृष्टीकोन बदलण्यासाठी हे चित्रपट प्रभावी ठरले आहेत.
राजी(Razee)
राजी हा चित्रपट आलियावर केंद्रित आहे. यात ती आपल्या जिवाची पर्वा न करता देश वाचवण्यासाठी एका पाकिस्तानी मुलाशी लग्न करते, नंतर गुप्तहेर बनून पाकिस्तानची गुप्तचर माहिती भारतात पोहोचवते. या चित्रपटातील आलियाची भूमिका चांगलीच आवडली होती.
इंग्लिश विंग्लिश(English Vinglish)
श्रीदेवीचा हा चित्रपट गौरी शिंदे यांनी दिग्दर्शित केला होता, ही एका महिलेची कथा आहे जिला इंग्रजी येत नाही. तिची मुले आणि नवरा तिच्या कमकुवतपणाची चेष्टा करत असल्याने ती इंग्रजी शिकण्यासाठी वर्गात सामील होते.
क्वीन(Queen)
क्वीनमध्ये कंगनाची व्यक्तिरेखा एका साध्या मुलीची आहे जी तिचे लग्न मोडल्यानंतरही हनिमून पॅकेजवर फक्त फिरायला जाते. प्रेमात फसवणूक किंवा ब्रेकअप झाल्यानंतर ज्या मुलींना आपले आयुष्य संपले आहे असे वाटते, त्यांच्यासाठी हा चित्रपट प्रेरणादायी आहे.
पिंक(pink)
अनिरुद्ध चौधरी दिग्दर्शित हा चित्रपट 2016 मध्ये आला होता, समाज कितीही आधुनिक असला तरीही मुलींना त्यांच्या कपड्यांवरूनच पारखले जाते, हे दाखवण्यात आले होते. या चित्रपटात आणखी एक महत्त्वाचा संदेश देण्यात आला आहे आणि तो म्हणजे एखादी मुलगी मुलाला नकार देते तेव्हा तो ‘नाही’ असेच समजावे.
मदर इंडिया(Mother India)
हा चित्रपट आजही सर्वोत्कृष्ट चित्रपटांमध्ये गणला जातो, स्त्रीने कोणत्याही परिस्थितीत हार मानता कामा नये आणि आपल्या तत्वांशी नेहमी चिकटून राहावे असे या चित्रपटाद्वारे सांगण्यात आले आहे.
लज्जा(Lajja)
हा चित्रपट 4 वेगवेगळ्या परिस्थितींमध्ये आपले जीवन जगणाऱ्या महिलांची कथा आहे, या चित्रपटात महिला कठीण परिस्थितीत धैर्याने आणि समजून घेऊन त्यांच्या समस्यांना कसे सामोरे जाऊ शकतात हे सांगितले आहे.
चक दे इंडिया(Chak De India)
हा चित्रपट जरूर पाहावा, महिला पुरुषांपेक्षा कमी नाहीत हे या चित्रपटातून दिसून येते.
पार्चड(parched)
पार्चड म्हणजे दुष्काळ आणि या चित्रपटात गावातील तीन महिलांच्या माध्यमातून हा शब्द उत्तम प्रकारे मांडण्यात आला आहे. पार्च्ड या चित्रपटात पुरुषप्रधान मानसिकता, महिलांवरील अत्याचार, बालविवाह अशा समस्यांचे कटू सत्य अतिशय धारदार पद्धतीने मांडण्यात आले आहे.
नीरजा(Neerja)
हा चित्रपट फ्लाइट अटेंडंट नीरजा भानोटवर बनवला आहे, 2015 मध्ये आलेल्या या चित्रपटात सोनम कपूरने दमदार अभिनय केला आहे. फॉक्स स्टार स्टुडिओच्या बॅनरखाली अतुल कशबेकर यांनी निर्मित केलेला हा चरित्रपट आहे.
बँडेड क्वीन(Banded Queen)
एक स्त्री तिचा बदला घेण्यासाठी कोणत्याही थराला जाऊ शकते हे या चित्रपटात दाखवण्यात आले आहे.हा चित्रपट फुलन देवीच्या जीवनावर आधारित आहे, या चित्रपटात एक निष्पाप मुलगी तिचा बदला घेण्यासाठी कशी डाकू बनते हे सांगण्यात आले आहे.
lock up: करण कुंद्रा कंगनाच्या शोचा भाग होणार! ‘जेलर’ बनून स्पर्धकांवर अत्याचार