मुंबई : नवीन वर्षासह बरेच चित्रपट आणि वेबसीरिज प्रदर्शित होत आहेत. जानेवारी महिन्यात अनेक वेब मालिका आणि चित्रपट ओटीटी व्यासपीठावर (OTT Releases)अधिराज्य गाजवले आहे. फेब्रुवारी महिनादेखील चित्रपट आणि मालिकांसाठी खास ठरला आहे. फेब्रुवारीच्या शेवटच्या आठवड्यात बरीच छान मालिका प्रसिद्ध होणार आहेत. उद्या म्हणजे 26 फेब्रुवारीला अनेक मालिका आणि चित्रपट प्रदर्शित होणार आहेत, जे तुमचे खूप मनोरंजन करतील. तर आपण 26 फेब्रुवारी रोजी काय रिलीज होणार आहे ते पाहूया….
द गर्ल ऑन द ट्रेन :
परिणीती चोप्राचा ‘द गर्ल ऑन द ट्रेन’ (The Girl on the Train)हा चित्रपट 26 फेब्रुवारी रोजी नेटफ्लिक्सवर प्रदर्शित होणार आहे. या चित्रपटामध्ये परिणीतीसमवेत आदितीराव हैदरी आणि कीर्ती कुल्हारी महत्त्वपूर्ण भूमिका साकारताना दिसतील. याच नावाच्या हॉलिवूड चित्रपटाचा हा हिंदी रिमेक आहे.
हॅलो मिनी 2 :
अनुजा जोशी यांचे सस्पेन्स, गुन्हे आणि थ्रिलर वेब सीरिज हॅलो मिनी-2(Hello Mini 2) 26 फेब्रुवारी रोजी एमएक्स प्लेयरवर रिलीज होणार आहे. या मालिकेत गौरव चोप्रा अनुजासोबत आहे. मृणाल दत्त, अंशुल पांडे महत्त्वपूर्ण भूमिकेत दिसणार आहेत. हिंदीसह तमिळ आणि तेलगू भाषांमध्येही ही मालिका रिलीज होईल.
1962 द वॉर इन हिल्स : (1962 The War in the Hills)
अभय देओलची ही वेबसिरीज 1962 च्या भारत आणि चीनमधील लढाईवर आधारित आहे. या मालिकेत माही गिल, आकाश ठोसर, रोहन गंडोत्र, सुमित व्यास आणि अनूप सोनी अभयसोबत महत्त्वपूर्ण भूमिका साकारताना दिसतील. या मालिकेची खास गोष्ट म्हणजे त्याचे दिग्दर्शन महेश मांजरेकर यांनी केले आहे. ही मालिका डिस्ने प्लस हॉटस्टारवर रिलीज होईल.
जमाई 2.0 :
रवी दुबे आणि निया शर्मा जमाईच्या सीझन 2 सह ओटीटी प्लॅटफॉर्मवर परत येत आहेत. जमाई 2.0(Jamai2.0) 26 फेब्रुवारी रोजी जी 5 वर रिलीज होणार आहे. यावेळी बदला, प्रेम आणि पॅशन पाहायला मिळणार आहे. तसेच, कोण सूड घेत आहे, हे तर तुम्हाला उद्यालाच कळेल.
या हॉट वेब सिरीज आणि चित्रपट तुमचे शनिवार आणि रविवार उत्कृष्ट आणि मनोरंजक बनवू शकतात. मार्च महिन्यातही अनेक चित्रपट आणि मालिका ओटीटी प्लॅटफॉर्मवर आणि चित्रपटगृहांवर प्रदर्शित होणार आहेत.