न्यूयॉर्क : जगभरामध्ये आता १२ वर्षाखालील मुलांसाठी कोरोना वॅक्सीन (लस) आणण्याची तयारी सुरू केली जात आहे. कोरोना विषाणूविरूद्ध लस बनविणारी अमेरिकेतील सर्वांत मोठी कंपनी फायझर(Pfizer)ने म्हटले आहे की, ते त्यांच्या लसीची चाचणी १२ वर्षाखालील मुलांवर सुरू करणार आहेत, त्याअंतर्गत पहिल्या टप्प्यातील चाचणीत कमी संख्येत लहान मुलांना फायझरच्या कोरोना लसीचे वेगवेगळे डोस दिले जातील.
यासाठी फायझर जगातील चार देश- संयुक्त राज्य अमेरिका, फिनलँड, पोलँड आणि स्पेन मधील ९०पेक्षा अधिक क्लिनिकल साइट्सवरून ४,५०० हून अधिक मुलांची निवड करेल. फायझर(Pfizer) ने सांगितले की, वॅक्सीनच्या क्लिनिकल चाचणीसाठी या आठवड्यात ५ ते ११ वयोगटातील मुलांची नावनोंदणी करण्याचे काम सुरू केले जाईल. या मुलांना १० मायक्रोग्रॅमचे दोन वॅक्सीन डोस दिले जातील, जे किशोरवयींना (१२ ते १८ वर्षादरम्यान) आणि वृद्धांना दिल्या जाणाऱ्या दोन डोसचा एक तृतीयांश आहे. फायझरने सांगितले की, याच्या काही आठवड्यानंतर ६ महिन्याहून अधिक वयाच्या मुलांवर देखील वॅक्सीनची क्लिनिकल चाचणी सुरू केली जाईल आणि त्यांना मायक्रोग्रामचे वॅक्सीन डोस दिले जाईल.
फायझरच्या प्रवक्ता ने सांगितले की कंपनीला आशा आहे की, सप्टेंबरपर्यंत ५ ते ११ वर्ष वयोगटातील मुलांच्या वॅक्सीन चाचणीची आकडेवारी येईल, तर २ ते ५ वर्षांच्या मुलांसाठी देखील ही आकडेवारी लवकरच येऊ शकते, त्यानंतर कंपनी या लसीच्या आपत्कालीन वापरासाठी अर्ज करेल. १२ वर्षावरील मुलांसाठी वॅक्सीनच्या वापराला यापूर्वीच मंजुरी देण्यात आली आहे. अमेरिका आणि युरोपियन संघात १२ वर्षावरील मुलांना फायझरची लस देण्यासाठी यापूर्वीच मान्यता दिली गेली आहे, तथापि ही मान्यता आपत्कालीन वापरासाठीच देण्यात आली आहे. या वयोगटातील मुलांना प्रौढांना देण्यात येणारा ३०ग्रॅम मायक्रोग्रॅमचा डोस दिला जात आहे.
Now corona vaccine will come for children below 12 years, Pfizer is going to start trial soon.
८० टक्के लसीकरणाद्वारे कोव्हिड-१९ व्हेरिएंट्सची जोखीम कमी केली जाऊ शकते : डब्ल्यूएचओ –