मुंबई : शिवडी पोलीस ठाणे हद्दीत राहणाऱ्या महिलांचे अश्लील छायाचित्रण करणाऱ्या त्रिकुटंना पोलिसांनी अटक केली. सतिश धनवेल हरिजन (29) स्टिफन मुर्गश नाडर (21) व सरवना तंगराज हरिजन (23) अशी अटक करण्यात आलेल्या या आरोपींची नावे आहेत.
हे तिघेही आपापसांत संगनमत करुन २०१९ व २०२० या कालावधीत शिवडी बोटहार्ट रोड झोपडपट्टी या परिसरातील झोपडपट्टीमध्ये राहणाऱ्या महिलांच्या घराच्या उघडया खिडक्यांमधून व दरवाजांच्या फटींमधून त्यांच्या खाजगीकृतीचे त्यांच्याजवळील मोबाईल फोनव्दारे छायाचित्रण करत असल्या त्यांच्यावर आरोप आहे .
ते सदरचे छायाचित्रण स्वतः च्या जवळ बाळगून ते पेनड्राईव्हमध्ये कॉपी करुन घेतले असत . दरम्यान एका महिलेच्या तक्रारीवरून शिवडी पोलीस ठाण्यात गुन्हा दाखल करून तपास सुरू झाला.
पोलीस ठाणेच्या पोलीस पथकाने संपूर्ण परिसरातून गोपनियरित्या निश्चित स्वरूपाची माहिती मिळवून संशयितांची चौकशी करुन सतिश हरिजन, स्टिफन नाडर व सरवना हरिजन या तिघांना अटक करण्यात आली. या तिघांनी परिसरातील इतरही महिलांचे खाजगीकृतीचे छायाचित्रण केलेले असण्याची तसेच अशाच प्रकारचे इतर गुन्हे केले असण्याची शक्यता असून त्यादृष्टीने तपास पथक हे महिलांना विश्वासात घेऊन तपास करीत आहे .
अशी माहिती महिला वरिष्ठ पोलीस निरीक्षक श्रीमती सरला वसावे यांनी दिली.