आग्रा : कोरोना विषाणूच्या संसर्गामुळे ताजनगरीचा पर्यटन उद्योग (tourism industry)अद्यापही सावरलेला नाही. स्मारक खुले झाल्यानंतरही पर्यटन व्यवसायिक(tourism professional) अडचणीत आहेत. भारतीय पुरातत्व सर्वेक्षणावर (एएसआय) देखील याचा वाईट परिणाम झाला आहे. आर्थिक वर्ष २०२०-२१ मध्ये एएसआय ला ताजमहालच्या तिकिट विक्रीतून केवळ १०.६१ कोटी रूपयांचीच कमाई झाली, तर आर्थिक वर्ष २०१९-२० मध्ये ९६.०१ कोटी रूपयांची कमाई तिकिट विक्रीतून झाली होती. त्यांच्या कमाईत ८५ कोटी रूपयांहून अधिक घट झाली आहे.
देशात कोरोना विषाणूचा संसर्ग मार्च २०२० मध्ये पसरला होता. त्यामुळे एएसआय ने सर्व स्मारके १७ मार्चपासून पर्यटकांसाठी बंद केली होती. कोरोना विषाणूचा संसर्ग कमी झाल्यानंतर ताजमहाल २१ सप्टेंबर रोजी उघडण्यात आले. ताजमहाल उघडल्यानंतर एका दिवसात जास्तीत-जास्त पाच हजार पर्यटकांची कॅम्पिंग लागू करण्यात आली. त्यात २० डिसेंबर रोजी वाढ करून १० हजार आणि २७ डिसेंबरला वाढवून १५ हजार करण्यात आली होती. २ जानेवारीपासून ताजमहाल येथील तिकिट खिडकी उघडण्यात आली होती. जानेवारी, फेब्रुवारी, मार्चमध्ये ताजनगरीत पर्यटकांच्या संख्येत वाढ झाली होती.
जम्मू काश्मीर पर्यटकांच्या स्वागतासाठी तयार…. –
पर्यटक व्हिसा सेवेवर बंदी असल्याने आणि आंतरराष्ट्रीय विमाने बंद असल्याने विदेशी पर्यटक येथे येऊ शकले नाहीत. तसेच निर्बंधामुळे भारतीय पर्यटकही कमी आले. या सर्व कारणांमुळे ताजमहालच्या तिकिट विक्रीतून मिळणारे उत्पन्न कमी झाले आहे. २०२०-२१ आर्थिक वर्षात कोरोना विषाणूच्या संसर्गामुळे ताजमहाल १६३ दिवस बंद होते. अनेक निर्बंधामुळे पर्यटकांची संख्या कमी राहिली. यामुळे स्मारकाद्वारे होणारे उत्पन्न कमी झाले आहे.
Tajmahal: Shock of Corona, ASI got a hit of Rs 85 crore on Taj mahal.
पर्वतीय राज्यांमध्ये पर्यटकांची गर्दी धोकादायक ठरू शकते. –
हिमाचलमधील पर्यटकांच्या गर्दीवर केंद्राच्या हस्तक्षेपानंतर मुख्य सचिवांनी उपायुक्तांना दिल्या सूचना…
वाराणसी : गंगेमध्ये सुरू असलेल्या प्रकल्पाद्वारे पर्यटनाला मिळणार चालना… –
वाराणसीमधील गंगा पर्यटनाला चालना देण्यासाठी पंतप्रधान नरेद्र मोदी यांचा आधार…