वर्धा : वर्धा शहरालगत असलेल्या म्हसाळा येथील सौरभ दुबे (25)(Sourabh Dube ) याची आयपीएल सीझन – 2022 मध्ये निवड झाली आहे. सनरायझर्स हैदराबाद संघाने सौरभला 20 लाख रुपयांनी विकत घेतले आहे. या कामगिरीमुळे सौरभने वर्ध्याचे नाव रोशन केले आहे. सौरभ अत्यंत सामान्य कुटुंबातीलअसून, त्याने अत्यंत कठीण परिस्थितीत क्रिकेट खेळण्यास सुरुवात केली.
गेली पाच वर्षे तो विदर्भ क्रिकेट असोसिएशन अंतर्गत चालणाऱ्या वर्धा लेदर बॉल क्रिकेट असोसिएशनशी संबंधित आयपीएल सीझन – 2022 मध्ये प्रवेश करून त्याने पहिला टप्पा पार केला आहे. 13 फेब्रुवारी रोजी झालेल्या लिलावात सनरायझर्स हैदराबाद संघ व्यवस्थापनाने त्याला 20 लाख रुपयांना विकत घेतले आहे, त्याच्या निवडीची बातमी पसरताच जिल्ह्यातील क्रिकेटप्रेमींनी आनंद व्यक्त केला. वर्धा सारख्या छोट्या शहरातील खेळाडूची आंतरराष्ट्रीय क्रिकेट स्पर्धेसाठी निवड झाल्याने सौरभचे विविध स्तरावरून अभिनंदन होत असून, वर्धा जिल्ह्याचे नाव मोठे केले आहे.