नैनिताल : नैनीताल मध्ये पुन्हा एकदा पर्यटक मोठ्या संख्येने जात आहेत. पर्वतीय नगरीची सर्व पर्यटन स्थळे पर्यटकांनी भरली आहेत. अशा परिस्थितीत दीर्घकाळापर्यंत ठप्प असलेला पर्यटन व्यवसाय पुन्हा सुरू झाल्याने व्यवसायिकांनी सुटकेचा श्वास घेतला आहे. शुक्रवारी शहरातील बहुतांश पार्किंग भरली होती, तर मुख्य हॉटेलांच्या बहुतांश खोल्या देखील बुक झाल्या होत्या. तीन हजाराहून अधिक पर्यटक आल्याने शहरात अनेकवेळा वाहतुकीची कोंडी झाल्याचे देखील दिसून आले.
विकेंड शनिवारपासून सुरू होतो, परंतु येथे शुक्रवारपासूनच पर्यटकांचे येणे सुरू झाले आहे. संध्याकाळी उशीरापर्यंत उत्तर प्रदेश आणि दिल्ली एनसीआर मधून येणाऱ्या पर्यटकांच्या वाहनांची रांग लागली होती. ज्यामुळे पर्यटकांना वाहन पार्क करण्यासाठी जागा मिळाली नाही, आणि ते पार्किंगच्या शोधात वाहन फिरवताना देखील दिसून आले. अशा परिस्थितीत शहरातील मुख्य अंतर्गत रस्त्यांवर वाहतुकीची कोंडी झाली आणि पर्यटकांना त्रास सहन करावा लागला.
वाहतूक दुरूस्त करण्यासाठी पोलिसांना खूप मेहनत घ्यावी लागली. पर्यटकांची संख्या वाढल्याने शहरात संपूर्ण दिवस गर्दी होती. भोटिया बाजारात पर्यटकांची गर्दी झाल्याने या मोसमातील बहुतेक बोटी तलावामध्ये दिसू लागल्या. नैनिताल हॉटेल आणि रेस्टॉरंट असोसिएशनचे अध्यक्ष दिनेशचंद्र साह यांचे म्हणणे आहे की, ‘शहरातील बाजारपेठ आठवडाभर सुरू राहिली पाहिजे, तरच पर्यटकांची गर्दी अपेक्षेप्रमाणे वाढू शकेल.’
नैनिताल मध्ये आलेले बहुतांश पर्यटक लखनौ, दिल्ली, हरियाणातील आहेत. सार्वजनिक वाहतूक बंद असल्याने लोक त्यांच्या खासगी वाहनांद्वारे येत आहेत. शनिवार आणि रविवारी बहुतेक कार्यालये बंद असल्याने पर्यटक आजही मोठ्या संख्येने येण्याची शक्यता आहे.
Tourists gathered in Nainital over the weekend, parking full, tourism business is back on track