पर्यटकांची भीती दूर करण्यासाठी काश्मीरमध्ये लसीकरण मोहीम सुरू!

श्रीनगर : जम्मू काश्मीर (Jammu Kashmir) मध्ये पर्यटन (Tourism) पुन्हा सुरू करण्यासाठी सरकार जोरदार तयारी करीत आहे. यासाठी पर्यटन आणि आरोग्य विभागाने पर्यटनासाठी येणाऱ्या लोकांसाठी लसीकरण मोहिम सुरू केली आहे. सरकारचा दावा आहे की या उद्योगाशी संबंधित ८० टक्के लोकांना लस देण्यात आली आहे.

श्रीनगरमध्ये ८० टक्के लसीकरण पूर्ण (80 percent vaccination completed in Srinagar)-

काश्मीर पर्यटन विभागाचे संचालक जी.एन.आयटू यांनी सांगितले की, घाटीतील पर्यटनाशी संबंधित लोकांसाठी विशेष लसीकरण (Corona Vaccination) मोहिम सुरू करण्यात आली आहे. श्रीनगर मध्ये सुमारे ८० टक्के लोकांचे लसीकरण पूर्ण झाले आहे, तर, गुलमर्ग, पहलगाम आणि सोनमार्ग सारख्या हिल स्टेशनमध्ये ९० टक्के लोकांना लस देण्यात आली आहे. पर्यटन विभागाचे म्हणणे आहे की, लसीकरणामुळे पर्यटकांचा आत्मविश्वास वाढेल आणि ते येथे येण्यास उत्साही होतील.

काश्मीर पर्यटन विभागाच्या संचालकांनी सांगितले की, पर्यटन हे जम्मू काश्मीरच्या (Jammu Kashmir) अर्थव्यवस्थेची जान आहे. त्यामुळे पर्यटकांच्या मनातून भीती घालविणे खूप आवश्यक आहे. आमची इच्छा आहे की जे पर्यटक येथे येतील, त्यांना सुरक्षित वाटले पाहिजे. या महिन्याच्या मध्यापर्यंत लसीकरण पूर्ण करण्याचे आम्ही लक्ष्य ठेवले आहे. यामुळे राज्याचा पर्यटन उद्योग सुरक्षित होईल आणि संसर्गापासून देखील बचाव होईल.

घाटीतील पर्यटन व्यवसायिक देखील या लसीकरण मोहिमेमुळे आनंदी आहेत. त्यांचे म्हणणे आहे की, यामुळे जगभरात सकारात्मक संदेश जाईल की, काश्मीर यात्रा करणे सुरक्षित आहे. जेव्हा काश्मीर पर्यटनासाठी खुले होईल तेव्हा आम्ही पर्यटकांच्या स्वागतासाठी तयार असू. युनायटेड टूरिझम फोरमचे सदस्य मंजूर पख्तून यांचे म्हणणे आहे की, ‘सध्या जर पाहिले तर असे लक्षात येते की तुम्ही दोन लसीचे डोस घेतले तरच यात्रा करू शकता. या लसीकरणामुळे राज्यात पर्यटनासाठी चांगले वातावरण बनेल.’
The government is preparing vigorously to resume tourism in Jammu and Kashmir. For this, the Tourism and Health Department has started a mass vaccination campaign of people from tourism.

व्यवसायिकांची सरकारकडे आर्थिक मदतीची मागणी! –

कोरोनामुळे पर्वतीय पर्यटन व्यवसाय घसरला, व्यवसायिकांची सरकारकडे आर्थिक मदतीची मागणी!